Çfarë e bën një fustan të shtrenjtë? Materialet? Gurët e çmuar? Orët e punës? Apo të gjitha bashkë? Lista në vijim do të na japë përgjigje.
5. Yumi Katsura White Gold Diamond Dress - 8.5 milionë dollarë
Krijuar nga stilistja japoneze Yumi Katsura, fustani prej mëndafshi dhe sateni përmban 1,000 perla të bardha dhe diamantë. Për herë të parë u shfaq në pasarelë në vitin 2006 dhe ka të ngjarë që të jenë dashur qindra orë punë për t’u përfunduar.
4. Queen Letizia’s Royal Wedding Dress - 10.7 milionë dollarë
Fustani prej mëndafshi i mbretëreshës Letizia të Spanjës, i cili përmbante dizenjo lulesh të qepura me dorë, të bëra me fije ari, vlerësohej me 10.7 milionë dollarë në vitin 2004. Ai është renditur si fustani më i shtrenjtë i nuseve mbretërore nga Libri i Rekordeve Guinness.
3. Martin Katz and Renee Strauss Wedding Dress – 12 milionë dollarë
Në vitin 2006, Martin Katz dhe Renee Strauss krijuan një fustan me diamante 150 karatësh të shpërndarë në pjesën e bustit.
2. Hany El Behairy Wedding Dress - 15 milionë dollarë
Fustani i nusërisë i krijuar Hany El Behairy u prezantua në Javën e Modës Paris Haute Couture në vitin 2020. Ai është i zbukuar me qindra diamantë dhe gurë të çmuar. Hany El Behairy është një stilist egjiptian i cili njihet për krijimin e fustaneve më të shtrenjta të nusërisë. U deshën mbi 800 orë për t’u krijuar fustani.
1. The Nightingale of Kuala Lumpur - 30 milionë dollarë
Fustani më i shtrenjtë në botë aktualisht është Nightingale of Kuala Lumpur i dizenuar nga Faisal Abdullah. I prezantuar në vitin 2009, fustani vlerësohet në 30 milionë dollarë. Ai është bërë me mëndafsh të kuq dhe taffeta (një mëndafsh i hollë me shkëlqim) dhe ka mbi 750 diamantë të qepura në të.
Tani që lexove këto, besojmë di si t’u përgjigjesh atyre që të kritikojnë për faturat e blerjes së rrobave. :)
Artikuj të sugjeruar:
1. Getat që transformojnë veshjet: Ç’po bën namin këtë sezon?
